«Хынап чаңчыгыңар» кылдыр очулдурган грек сөстү үнелиг металлдарның шынарын хынаарда ажыглаар турган. Ынчап кээрге, номчуп, дыңнап турар чүүлүвүстүң ылаптыын хынаар ужурлуг бис. Чоокку келир үеде ону кылыры оон-даа чугула апаар, чүге дээрге коргунчуг хилинчек чоокшулап кел чыдар. Улустуң чугаа-сөзүнге бүзүрээриниң орнунга, бодамчалыг болуру чугула. Номчаан, дыңнаан чүүлүвүстү Библия болгаш Иегованың организациязының чүү дээни-биле деңнээр ужурлуг бис. Ынчан буктарның пропагандазынга алыспас бис (У. ч. 14:15; 1 Тим. 4:1). Бурганның чону коргунчуг хилинчекти ажып эртиптер. Бистиң кижи бүрүзүнге хамаарыштыр чүү болурун билбес бис (Иак. 4:14). Ынчалза-даа, Бурганга шынчы арткаш, Армагеддон бетинде өлүп каар-даа болзувусса, мөңге чуртталганы алырынга быжыг бүзүрээр бис. Ынчангаш кайгамчык идегеливистен салдынмайн, Иегованың хүнүнге белен болуулу! w23.06 ар. 13, абз. 15, 16

Чамдык медеглелдерниң канчаар күүсеттинерин билбес бис (Дан. 12:8, 9). Кандыг-бир өттүр билген медеглелди эчизинге чедир эки билбес-даа болзувусса, ону күүсеттинмес деп болбас. Иегова чонунга херек билигни үезинде ажыдып берип турган. Биске база ажыдып бээр деп чигзинмес бис. Удавас кижилер: «Кайда-даа амыр-тайбың-дыр» — деп чарлаптар (1 Фес. 5:3). Оон делегейниң башкарыкчылары меге шажынче кичээнгей салып, ону узуткап каар (Ажыд. 17:16, 17). Дараазында олар Бурганның бараалгакчыларынче халдай бээр (Иез. 38:18, 19). Түңнелинде Армагеддон эгелээр (Ажыд. 16:14, 16). Ол болуушкуннар саадавас деп чигзинмес бис. Амдыызында библейжи медеглелдерни шинчилеп, өске улуска дузалажырын уламчылаалыңар. Ынчалдыр дээрде ынакшылдыг Адавыска четтиргенивисти илередир бис. w23.08 ар. 13, абз. 19, 20

Бүзүрел, идегел болгаш ынакшыл дугайында чугаалап тургаш, Павел элчин чүге: «Оларның эң чугулазы — ынакшыл» дээнил? (1 Кор. 13:13). Бурганның чаа делегей дугайында аазаашкыннарынга бүзүрел келир үеде херекчок апаар. Чүге дизе идегеп чораан аазаашкыннар күүсеттине бээр. Ынчалза-даа Иеговага болгаш кижилерге ынакшыл читпес. Ол хамаанчок ынакшыл мөңгеде өзер. Оон ыңай ынакшыл — алыс шын христианнарның ылгавыр демдээ. Иисус мынча дээн: «Араңарга ынакшыл-ла турар болза, силерни Мээң өөреникчилерим-дир деп делегейде хамык улус танып алыр» (Ин. 13:35). Павел ынакшыл бүгүдени «чаңгыс эп кылдыр тудуштурар» деп бижээн (Кол. 3:14). Аравыска ынакшыл көргүзери чүге чугулазын Иоанн элчин база бижээн: «Бурганга ынак кижи бодунуң ха-дуңмазынга база ынак болур ужурлуг» (1 Ин. 4:21). Бот-боттарывыска ынак болзувусса, Бурганга ынаавысты көргүзүп турар бис. w23.11 ар. 8, абз. 1, 3